AKTIVITETEPËR MEDIAT

Vendime të marra në mbledhjen plenare, 17 korrik 2020

Në zbatim të masave të ndërmarra për parandalimin e përhapjes së virusit Covid-19, Këshilli i Lartë i Prokurorisë, ka mbajtur paraditen e sotme, mbledhjen e radhës plenare. Mbledhja është mbajtur në prani të të gjithë anëtarëve si dhe përfaqësues nga Ministria e Drejtësisë, programet, EURALIUS dhe OPDAT përmes platformës on-line.

Me propozim të kreut të Këshillit të Lartë të Prokurorisë dhe miratimin e të gjithë anëtarëve, është shtuar në rendin e ditës edhe diskutimi për nevojën e një qëndrimi publik nga ana e Këshillit lidhur me deklaratën e përfaqësuesit të ONM-së, z. Theo Jacobs në seancën dëgjimore të subjektit të rivlerësimit, z. Selim Kryeziu, në Komisionin e Pavarur të Kualifikimit.

Siç parashikohet edhe në rendin e ditës, Këshilli ka vendosur unanimisht të fillojë procedurat e verifikimit të pasurisë dhe figurës së kandidatëve për programin e Formimit Fillestar të Shkollës së Magjistraturës në vitin akademik 2020 -2021. Për ndjekjen e këtij procesi është ngarkuar Komisioni i Vlerësimit të Veprimtarisë Etike dhe Profesionale dhe Njësia e Mbështetjes së Komisioneve në Departamentin e Shërbimeve Ligjore.

Gjithashtu, me propozimin e Komisionit të Vlerësimit të Veprimtarisë Etike dhe Profesionale, është hedhur shorti për caktimin e relatorit për verifikimin e pasurisë dhe figurës për kandidatët për programin e Formimit Fillestar të Shkollës së Magjistraturës në vitin akademik 2020 -2021, si më poshtë:

1.1 Aida Yzeiraj                       Relator Z. Alfred Balla.

1.2 Denisa Perdja                    Relator Znj. Esmeralda Keshi

1.3 Artenida Toska                  Relator Z. Alfred Balla

1.4 Maringlen Meta                 Relator Z. Kostaq Beluri

1.5 Oliana Gjergjefi                  Relator Z. Alfred Balla

1.6 Nertila Miftaraj                  Relator Z. Alfred Balla

1.7 Ervis Alliaj                         Relator Z. Kostaq Beluri

1.8 Malvina Pellumbi              Relator Z. Kostaq Beluri

1.9 Bledar Bala                         Relator Znj. Esmeralda Keshi

1.10 Irena Sufaj                       Relator Znj. Esmeralda Keshi

1.11 Drini Zeqo                        Relator Z. Alfred Balla

1.12 Besjana Sadikaj               Relator Z. Kostaq Beluri

1.13 Shiqiri Manjani               Relator Znj. Esmeralda Keshi

1.14 Nertila Bregu                   Relator Z. Alfred Balla

1.15 Julinda Gjika                   Relator Z. Alfred Balla

1.16 Elona Gixhari                  Relator Z. Kostaq Beluri

1.17 Arber Lloshi                    Relator Znj. Esmeralda Keshi

1.18 Jonida Allushi                 Relator Z. Kostaq Beluri

1.19 Edmond Vorfi                 Relator Z. Kostaq Beluri

1.20 Lorena Salillari              Relator Znj. Esmeralda Keshi

1.21 Olsi Vasiu                        Relator Z. Kostaq Beluri

1.22 Erion Murataj                 Relator Znj. Esmeralda Keshi

1.23 Ermira Prifti                    Relator   Z. Kostaq Beluri

1.24 Xhejnsila Hako                Relator Znj. Esmeralda Keshi

1.25 Glenda Zeneli                  Relator Znj. Esmeralda Keshi

1.26 Silvana Belishta               Relator  Z.  Alfred Balla

1.27 Anjeza Kalanxhi              Relator Znj. Esmeralda Keshi

1.28 Valbona Maja                   Relator  Z. Alfred Balla

Këshilli i Lartë i Prokurorisë ka ndjekur me vëmendje reagimin e përfaqësuesit të ONM-së, Theo Jacobs në një debat me gjyqtarin e Gjykatës së Apelit Shkodër, Selim Kryeziu gjatë seancës dëgjimore të këtij të fundit të enjten në Komisionin e Pavarur të Kualifikimi, ku ngriti akuza ndaj Strukturës së Posaçme Kundër Krimit të Organizuar dhe Korrupsionit, për pushimin e shpejtë të çështjes ndaj gjyqtarit dhe dy kolegëve të tij, ndërsa la të kuptohej se hetimet nuk kishin qenë të plota, se çështja ishte e hetuar në vetëm 6 muaj, sipas tij kohë e shkurtër për këto raste dhe shtoi se ishte mbyllur nga “prokurorë që nuk duhej të ishin në SPAK”.

Gjatë seancës plenare, Këshilli i Lartë i Prokurorisë ka vendosur se në ditët në vijim do të mbajë një qëndrim publik lidhur me reagimin e zotit Jacobs, bazuar në nenin 185 të ligjit “Për organet e Qeverisjes në Sistemin e Drejtësisë” lidhur me qëndrimet publike të Këshillit të Lartë të Prokurorisë. Sot Këshilli do t’i adresojë një kërkesë zyrtare Komisionit të Pavarur të Kualifikimit për t’i vënë në dispozicion proces verbalin ose regjistrimin audio të mbledhjes së datës 16 Korrik 2020.