Kryetari i Këshillit të Lartë të Prokurorisë z.Alfred Balla priti në një takim, përfaqësues të programeve të Bashkimit Evropian në fushën e Drejtësisë.

Delegacioni kryesohej nga Sekretarja e Përgjithshme e Rrjetit Evropian të Trajnimeve Gjyqësore (EJTN), znj,Ingrid Derveaux dhe kishte në përbërje drejtuesin e “Projektit Western Balkans II”,  z.Giovanni Pasqua dhe menaxheren e këtij Projekti, znj.Vanja Tekic.

Në fokus të këtij takimi  ishte mbështetja e BE-së për trajnimet  vazhduese për prokurorët e Shqipërisë, përmes vendeve anëtare.

Kryetari i Këshillit, zoti Balla e informoi zonjën Derveux, për aktivitetin trajnues e sfidat e institucionit dhe shprehu vlerësimin e falënderimet mbi mbështetjen e BE-së,  për sistemin e prokurorisë shqiptare.

Takimi u mbyll me dakordësim për të vazhduar punën mbi përcaktimin e nevojave specifike për trajnime vashduese për prokurorët shqiptarë.